29 снежня 2016 года ў гарадскім доме культуры прайшло дабрачыннае навагодняе свята з удзелам кіраўніцтва нашага раёна. У свяце прынялі ўдзел 100 дзяцей ва ўзросце 5-12 гадоў, якія выхоўваюцца ў замяшчаючых і шматдзетных сем'ях, а таксама дзяцей – пераможцаў алімпіяд і навукова-практычных канферэнцый, розных конкурсаў, фестываляў і спаборніцтваў, актыўных ўдзельнікаў грамадскага жыцця школы і раёна.
У гэтым свяце прынялі ўдзел і пяцёра дзяцей нашай школы.
Усе прысутныя сталі ўдзельнікамі цікавага тэатралізаванага прадстаўлення «Па дарозе ў Новы год», а таксама навагодніх гульняў і карагодаў ля святочнай ёлкі.
Для ўсіх хлопчыкаў і дзяўчынак былі падрыхтаваны навагоднія падарункі-сюрпрызы.
Новы год-час новых надзей, поспехаў і перамог. Якім будзе наступны год, залежыць ад кожнага з нас.