З раніцы 7 сакавіка ў школе панаваў святочны,вясновы настрой. Падставай быў ранішнік “ Свята матуль“, на які навучэнцы запрасілі самых дарагіх гасцей – матуль і бабуль. Рабяты з нецярпеннем чакалі гэтай сустрэчы: рыхтавалі падарункі, рэпетыравалі песні, вершы. І вось свята пачалося. Дарагіх гасцей: матуль, бабуль, настаўнікаў, ветэранаў педагагічнай працы віншавалі ўсе вучні школы. На працягу гадзіны гучалі песні, вершы, прыпеўкі, сцэнкі. Ва ўсіх прысутных быў цудоўны настрой. Завяршылася свята пажаданнямі дабрабыту, міру, усяго самага найлепшага.