У перыяд з 27 лістапада па 02 снежня ў ДУА «Малагарадзішчанскі ВПК д/с-СШ» у рамках Сусветнага дня барацьбы супраць СНІДу быў праведзены тыдзень прафілактыкі СНІД/ВІЧ.
У правядзенні мерапрыемстваў прымалі ўдзел навучэнцы 2-11 класаў, класныя кіраўнікі, сацыяльны педагог, бібліятэкар, фельчар ФАПа.
27 лістапада было адкрыццё тыдня, з навучэнцамі 5-11 класаў адбылася гутарка “Прафілактыка ВІЧ – інфекцыі”.
На працягу ўсяго тыдня класнымі кіраўнікамі праводзіліся класныягадзіны: «Дзецям пра СНІД», «Права на здароўе», «Ведаць і спыніць», «СНІД – глабальная праблема чалавецтва» і інш.
У школьнай бібліятэцы была аформлена выстава літаратуры па прафілактыцы СНІД/ВІЧ.
Таксама на працягу тыдня праходзіў конкурс мастацкага плаката «Мы за здаровы лад жыцця», «Небяспека - СНІД». Лепшыя плакаты прымуць удзел у раённым конкурсе.
Для вучняў 5-11 класаў быў арганізаваны кінасеанс дакументальнага фільма «Стоп - СНІД» з абмеркаваннем.
Завяршальным мерапрыемствам быў прафілактычны занятак «Інфармаваны – значыць абаронены», у якім удзельнічалі вучні 5-11 класаў.
Асноўнымі задачамі правядзення дадзенага мерапрыемства былі:
-вызначэнне ўзроўню інфармаванасці падлеткаў аб небяспецы ВІЧ;
- прапаганда сямейных каштоўнасцяў;
-прадастаўленне дакладнай інфармацыі аб найбольш верагодных шляхах распаўсюджвання ВІЧ у падлеткавым асяроддзі і прафілактычных мерапрыемствах, якія дапамагаюць пазбегнуць заражэння;
-фарміраванне талерантнага стаўлення да ВІЧ-станоўчых людзей.
У завяршэнні мерапрыемства сярод навучэнцаўбылі распаўсюджаны памяткі па прафілактыцы СНІД/ВІЧ.