Рэспубліканская акцыя "Тыдзень лесу" прайшла ў Беларусі з 13 па 20 красавіка. Яе арганізатарам традыцыйна выступіла Міністэрства лясной гаспадаркі Рэспублікі Беларусь. Галоўная мэта мерапрыемства-папулярызацыя беражлівых адносін сярод насельніцтва да аднаго з галоўных прыродных рэсурсаў краіны, узмацненне экалагічнай, эканамічнай і сацыяльнай ролі лясоў. У гэтым годзе мерапрыемства будзе прысвечана Годзе малой радзімы і 75-годдзю вызвалення Беларусі ад нямецка-фашысцкіх захопнікаў.
ДАВЕДАЧНА.
У Рэспубліцы Беларусь лясы з'яўляюцца адным з асноўных аднаўляльных прыродных рэсурсаў і найважнейшых нацыянальных багаццяў. Лясы і лясныя рэсурсы маюць вялікае значэнне для ўстойлівага сацыяльна-эканамічнага развіцця краіны, забеспячэння яе эканамічнай, энергетычнай, экалагічнай і харчовай бяспекі. Па шэрагу ключавых паказчыкаў, якія характарызуюць лясны фонд (лясістасць тэрыторыі, плошча лясоў і запас драўніны ў пераліку на аднаго жыхара), Беларусь уваходзіць у першую дзясятку лясных дзяржаў Еўропы.
Рэспубліканская акцыя "Тыдзень лесу" ў гэтым годзе прайшла ўжо ў 12-ы раз.
У мерапрыемстве традыцыйна актыўны ўдзел прымаюць прадстаўнікі бізнесу, грамадскіх арганізацый, спартыўных аб'яднанняў, школ і т. д. Акрамя таго, добраахвотную акцыю шырока падтрымліваюць кіраўнікі розных міністэрстваў і ведамстваў, кантралюючых органаў, дэпутацкі корпус.
Навучэнцы 9-11 класаў нашай установы таксама прынялі ўдзел у акцыі. Мы дапамагалі Ляхавіцкаму і Востраўскаму лясніцтву ў пасадцы лесу. Навучэнцы высадзілі 18 470 дрэўцаў.