Гучна, весела, цікава і пазнавальна прайшоў Тыдзень беларускай мовы і літаратуры “ З любоўю да роднага слова” з 15 па 19 лютага.
План Тыдня ў нашай школе ўключаў разнастайныя формы і метады вучэбнай працы: спаборніцтвы, віктарыны, выставы, дыдактычныя гульні, віртуальныя падарожжы дазволілі вучням больш даведацца пра багатую спадчыну беларускага народа.
15 лютага вучні пазнаёміліся з планам, прапанаваным настаўнікамі беларускай мовы і літаратуры, і атрымалі папераджальныя заданні, якія будуць садзейнічаць развіццю маўлення навучэнцаў на роднай беларускай мове.
16 лютага ў рамках Тыдня для вучняў 1-11 класаў была арганізавана экскурсія “Этнаграфічная спадчына беларускага народа” ў школьны музей.
Для вучняў 1-4 класаў стартаваў конкурс малюнкаў “Зямля пад белымі крыламі”, а для вучняў 5-6 класаў прайшоў турнір знаўцаў «Таямнiцы роднага слова».
17 лютага прайшла краязнаўчая віктарына “Любімыя куткі малой радзімы” для вучняў 7-8 класаў.
18 лютага быў аб’яўлены інтэрнэт-конкурс фотаздымкаў “Мая Беларусь” для 5-11 класаў, а таксама прайшла рэспубліканская гульня-конкурс “Буслік”.
19 лютага прайшла гульня-віктарына “На матчынай мове” для вучняў 11 класа, а для вучняў 9-10 класаў конкурс інтэлектуалаў “Мой чароўны беларускі край”.
Падчас мерапрыемстваў вучні змаглі прадэманстраваць не толькі свае інтэлектуальныя, але і лідарскія, і творчыя здольнасці.
Смак роднай мовы не павінен забывацца. Калі ты нарадзіўся беларусам, калі ты жывеш на зямлі Беларусі, нельга не шанаваць родную мову, менавіта яна злучае людзей у адзін народ – такая галоўная тэма мерапрыемстваў, прысвечаных роднай мове.
Тыдзень беларускай мовы і літаратуры завяршыўся, але будзем спадзявацца, што мерапрыемствы беларускамоўнага тыдня дапамаглі абудзіць ва ўдзельнікаў цікавасць да вывучэння роднай мовы, гісторыі і традыцый беларускага народа, а таксама дапамаглі праявіць сябе і знайсці новых сяброў.
Прадметны тыдзень – гэта цікава!
Прадметны тыдзень – гэта магчымасць праявіць сябе!
Прадметны тыдзень – гэта новыя сустрэчы і знаёмствы!