Першы дзень у аздараўленчым лагеры "Вясёлыя рабяты" прайшоў пад назвай "Прывітанне, гэта я!".
З самай раніцы дзеці адправіліся на экскурсію у аг. Русіно Баранавіцкага раёна ў Цэнтр рамёстваў. Цэнтр народных рамёстваў - гэта не толькі творчыя майстэрні ганчарства, ткацтва, разьбы, саломапляцення і вышыўкі, гэта яшчэ і музейная экспазіцыя. Працуюць пяць залаў. Сам будынак цэнтра - помнік драўлянага дойлідства 30-х гадоў ХХ стагоддзя.
Цэнтр рамёстваў сустрэў рабят тэатралізаваным Навагоднім прадстаўленнем і салодкімі падарункамі.
Пасля прыбыцця ў школу, адбылася гульня знаёмства: "Я, ты, ён, яна - разам цэлая краіна!", у якой усе дзеці разгадалі красворд пра сапраўднага грамадзяніна сваёй краіны. Затым паспрабавалі пагуляць у беларускія зімовыя гульні на свежым паветры.
На прыканцы першага дня, прынялі ўдзел у квэст-гульні: "Бяспека", дзе атрымалі падарункі.